港超聯 科蘭加盟傑誌關華杜斯事?

作者:Amanda    發表日期:2018-01-13 12:02:20

科蘭終於現身講嘢喇!呢位烏拉圭球星周四(11日)抵港之後,事隔一日仲jet lag緊已經即刻出席傑誌舉行嘅記招,睇落都算幾精神,佢仲親自透露加盟傑誌嘅原因添!

傑誌周五(12日)公布球會亞冠盃同球會下半季嘅計畫,宣布同科蘭已經簽約到季尾,加埋華杜斯,費蘭度,確定三位成為出戰亞冠嘅外援人選。

記者會上科蘭抵港後首次開腔,透露原來華杜斯係今次自己加盟傑誌嘅最大功臣:「之前已經聽好多朋友講過,香港係一個好正嘅城市,之後華杜斯都有同我推薦傑誌同香港,自己亦想去新地方有新挑戰,加上家人又可以同我一齊喺香港生活,所以就決定咗接受今次合約。」果然係一個正宗family man!

因為細仔出世,大仔都隻係得2歲,為咗家庭科蘭已經一年幾無喺正式比賽亮相,但佢並唔擔心自己會跟唔上:「自己一直有做訓練,特別係體能方麵,今年踏入職業球員生涯第20年,技術唔會有太大退步,隻要保持住好嘅體能,相信唔會有太大問題。」今次加盟傑誌,相信唔少人都有好大期望,科蘭自己都希望可以帶領到一班年輕球員:「最希望自己喺場上嘅態度可以感染到佢哋。」

傑誌首場亞冠賽事將會喺2月13日作客,首場主場喺會2月20對全北汽車,傑誌總經理 吳凱威更透露已申請香港大球場作為主場,目前正等待回覆。至於票價方麵,正票售價$300及$250,特惠票方麵則是$100,1月22日早上10時將會在Cityline公開發售,球迷記得留意售票時間搶飛喇!另外,傑誌在香港超級聯賽的票價方麵,亦會在14日(周日)對冠忠南區起調整為$150及$50(特惠票)。


本文來源:http://hk.on.cc/hk/bkn/cnt/sport/20180112/bkn-20180112153702997-0112_00882_001.html




Tag:
本文鏈接:http://www.dating852.com/68118.html