【星球馬又玩嘢】巴基之星試閘又罷跑

作者:SANDRA    發表日期:2017-10-04 03:08:02

星球馬「巴基之星」今朝被安排在莫雷拉胯下出試沙田草地1600米閘,呢課試閘須表現合格才有望獲得競賽小組批準恢愎出賽,以趕及於本月底的二級賽1600米沙田錦標復出,絕對不容有失。

「巴基之星」入閘初時有點抗拒,但都總算順利入閘,並在大外檔應聲起步,不過好可惜跑咗二百米,「巴基之星」開始放慢腳步,墮退至包尾位置,接住更加被主馬群遙遙拋離,唔多願跑,幾乎停下來,隻係在莫雷拉不斷催策之下,才肯重新展步,最終零零丁丁一匹返回終點,精英碟罷跑事件不幸再一次重演。

告東尼:匹馬認得嗰個地方
「巴基之星」又再罷跑,自不然即時引起在場人士嘩然,而在烽火台透過電視機觀看試閘的告東尼則表現得相當無奈同洩氣,當堂無曬心機。告仔表示「巴基之星」今次收停位置與上仗精英碟及拍賣會試跑收停都是在千四米起步點附近,故相信「巴基之星」認得嗰個地點,這個陋習在拍賣會試跑時已植根在馬匹的記憶中,難以糾正過來。

雷神放手?多位騎師爭住騎
「巴基之星」罷跑,莫雷拉無曬符,短期內復出無望,嚟緊月底兩場二級賽,雷神都可能搵定其他坐騎。如果莫雷拉放棄「巴基之星」帥印,都唔驚無人肯接手,事關今朝試閘之後,已經有唔少騎師蠢蠢欲動吼住「巴基之星」帥權,潘頓、祈普敦、郭能、羅理雅、田泰安等外籍大師傅,都表示絕對有興趣接手,會嘗試向告東尼索騎,其中潘頓好有自信表示一定會發揮得比雷神好。

今次事件引起各方關注,馬會表示受薪董事將就該駒的行為召見練馬師告東尼及騎師莫雷拉,之後再決定應否採取任何進一步的行動。

究竟會係乜嘢行動呢?再安排試閘?抑或強製退役?要等馬會召見完騎練先知。不過,可以肯定係這匹身價600萬嘅拍賣馬「巴基之星」暫時復出無期。

巴基之星馬會試閘片段↓↓
http://bit.ly/2ylconX 


本文來源:http://hk.on.cc/hk/bkn/cnt/sport/20171003/bkn-20171003132554642-1003_00882_001.html




Tag:
本文鏈接:http://www.dating852.com/28789.html