【英超開咧】超激!雲格神級調動救「廠」

作者:Carol    發表日期:2018-09-27 23:08:27

即上墨超刨績王:http://win.on.cc/ligamx 

阿仙奴喺英超開咧戰以4:3險勝李斯特城,開出21倍「主其他」波膽。雖然兵工廠喺開賽2分鐘閃電入波後,曾經兩度落後,不過領隊雲格喺下半場作出神級調動,結果後備入替嘅艾朗藍斯同基奧特喺比賽尾段分別建功,成功救「廠」!

其實阿仙奴有夢幻開局,開波2分鐘未夠,拿卡錫迪接應艾利尼傳送門前頭槌破網,閃電式為兵工廠打開紀錄。3分鐘後,哈利馬古尼接應馬克艾拜頓長傳頭槌回後,岡崎慎司門前頂入為李斯特城扳成平手。

隨後阿仙奴形勢佔優,但埋門始終唔夠入肉,踢到29分鐘,占美華迪接應馬克艾拜頓傳中後上門前撞入,協助李城喺劣勢下反超前比數。完半場前,韋碧克趁門前混戰射入,戲劇性為兵工廠追成2:2返更衣室。

換邊後阿仙奴再次暴露防線不穩嘅弱點,56分鐘,占美華迪接應馬列斯開出角球近門頂入,個人梅開二度為李城再次領前。6分鐘後,比利連入楔近門起腳,無奈角度太窄被卡斯柏舒米高封位擋出。

踢到67分鐘,雲格安排基奧特同艾朗藍斯,分別入替艾利尼同洛賀丁加強進攻火力,成為逆轉勝轉捩點。83分鐘,艾朗藍斯接應格列沙加長傳近門窄位射入,2分鐘後,基奧特接應格列沙加傳中勁頂入網,協助阿仙奴奠定4:3勝局。

即到彩報星club熱身賽專頁:
http://win.on.cc/football/page/2017friendly/ 

東網體育同你追實體壇每個精彩時刻! 
http://bit.ly/2ecTF2A 


本文來源:http://hk.on.cc/hk/bkn/cnt/sport/20170812/bkn-20170812043920666-0812_00882_001.html




Tag:
本文鏈接:http://www.dating852.com/22424.html