出門更放心 選購網絡鏡頭5個必問

作者:Daisy    發表日期:2018-09-28 13:31:21

為咗家居安全,唔少屋企都會加裝俗稱IP Camera(IP Cam)的網絡攝影機。不過市面上品牌、款式眾多,價錢由一百多元到四位數字都有,究竟應該揀邊款?有咩要留意呢?即睇!

1. 解像度及可視角
IP CAM最重要就係拍攝畫面,與相機鏡頭原理一樣,解像度愈高,理論上畫面愈清晰。坊間大多產品都支援1080p全高清解像度,部分較入門的款式就只會支援720p解像度。不過,同一解像度下,拍攝畫面清晰度亦會受鏡頭質素影響。另外,亦要留意拍攝可視角,可視角愈大或愈廣角,代表拍攝畫面覆蓋的範圍愈多,一般都會支援130度或廣角,例如米家智能攝像機就支援130度廣角,毋須將鏡頭左右移動即可以完全覆蓋客廳、睡房。

2. 有線定無線?
IP CAM當然要連接網絡,以往大部款式都設有LAN插口,不過隨着Wi-Fi愈來愈普及,絕大部分IP CAM都支援無線制式。設定時,只須將手機連接IP CAM發出的無線網絡,再根據指示將IP CAM連接室內Wi-Fi網絡即可。有部分品牌甚至會於IP CAM上印上QR Code,手機一掃即完成配對、連接,方便不諳網絡設定的用家。無線IP CAM另一優勢是擺放位置更靈活,因為IP CAM只須連接電源,毋須遷就LAN線、路由器的位置。

3. 特別功能唔實用?
除了一般攝影功能,IP CAM亦會加入不少特別功能,當中比較常見有夜視功能,透過紅外線燈輔助拍攝,環境幾暗都影到,特別適合睡房等不會經常亮起房燈的位置。值得一提,紅外線夜攝有效範圍一般是10米內,建議將IP CAM對準嬰兒床、門口等重點位置。另外,部分型號IP CAM會內置咪高峰及喇叭,可以如對講機般與家人對話。指定型號更可由用家控制發出警報聲響,藉此嚇阻賊人。較高階的IP CAM更會備有動態偵測功能,當鏡頭感應到有人經常時,就會隨即進行拍攝並將影像以手機推送訊息或電郵傳送至用家,不過亦有用家反映動態偵測靈敏度太高令,提示訊息太頻密。

4. App穩定性
IP CAM絕大部分功能都需要透過手機App進行,因此App的介面、兼容性就非常重要。一般IP Cam的專用App都會提供iOS、Android版本,就以360智能攝像機為例,就需要下載《360攝像機》App,進行網絡設定、瀏覽拍攝畫面、對話等功能。不同手機只要登入同一帳戶,即可以觀看及控制該IP CAM,更加方便。若然專用IP Cam App介面、功能太過簡陋,或者經常彈App的不穩定情況,隨時令IP CAM未能發揮真正功能,得物無所用。

5. 雲端儲存
一般IP CAM都會採用microSD記憶卡儲存拍攝影片,但一旦記憶卡損壞或拔出,已錄影的畫面就會不翼而飛。部分IP CAM就會提供雲端儲存功能,例如Nokia Home就提供30天觀看、下載影片;360智能攝像機就提供7天或30天影片,不過就需要額外付費;而米家智能攝像機更支援NAS儲存影片。錄影片段一律放上雲端儲存空間,方便用家存取、下載。


本文來源:http://hk.on.cc/hk/bkn/cnt/lifestyle/20170706/bkn-20170706153307108-0706_00982_001.html




Tag:
本文鏈接:http://www.dating852.com/18027.html