四招風扇擺位 涼得有道理

作者:Joy    發表日期:2018-05-24 01:08:34

最近幾乎日日都有酷熱天氣警告,唔開冷氣點頂呀!之不過長時開着冷氣,電費一定唔平,其實只要配合風扇一齊用,唔單只慳到電費,仲可以加強空氣循環、加速降溫,之不過風扇點擺位都有學問,而家就教你四招風扇擺法。

45度對角送風
相信大家都知道熱空氣會向上升,冷空氣會向下降,當夏天使用冷氣時,由於冷空氣就會向下集中在地面,令室溫變得不平均,其實只要將風扇放在冷氣機的同一邊,再以45度的擺位向對角送風,就能夠提升室內空氣循環,有效將冷氣傳送到每個角落。

床底送風
其實大多數人睡覺時都有開冷氣的習慣,有時半夜會覺得太凍熄冷氣,並改用風扇,只要將風扇跟睡床平行擺放,就能夠令冷氣穿過床底傳送到天花板,加強空氣對流,有效能夠加快令室溫降低,而且亦唔使直接吹住人體,大前提係你的床下底屬於中空設計。

最長直線距離送風
香港地未必間間屋都係四四方方,好多時都係三尖八角,若果你屋企遇到呢種情況,又想極速降溫,可以找出室內空間最長的直線距離,然後把風扇放在直線中的其中一角,利用最大的送風距離,從而提升空氣循環,而且咁做亦都有效趕走濕氣,讓室內環境變得乾爽。

負壓抽走熱氣
好多時大家都未必會24小時開着冷氣,唔想室內變得悶熱,一般情況下都會把風扇對住自己吹,事實上首先可以將門窗打開,然後將風扇面向窗外擺放,就能夠透過負壓把室內的悶熱空氣抽走,並引入新鮮空氣,有效驅散熱氣。


本文來源:http://hk.on.cc/hk/bkn/cnt/lifestyle/20170608/bkn-20170608163018403-0608_00982_001.html




Tag:
本文鏈接:http://www.dating852.com/14259.html