拜仁新帥係咩人?6件事認識尼高高華

作者:Frieda    發表日期:2018-04-15 23:45:44

即上英超刨績王:http://win.on.cc/epl 

46歲「型男」尼高高華下季將執教拜仁慕尼黑,德國《圖片報》介紹咗佢場內外一啲趣聞逸事,等班拜仁戰將,尤其係唔熟佢嘅新人有心理準備。

1.愛妻顧家:佢老婆Kristina同女兒Laura都住喺奧地利薩爾茨堡,嗰度離慕尼黑好近,尼高高華再忙都會抽時間返去,佢話:「我非常多謝妻子喺背後嘅支持,唔係嘅話一切冇咁順利,全靠她照料我哋個女。」所以球員屋企有事,尼高高華一定會批假,早排後衞積祖威廉斯姑媽過身,「尼高」馬上畀佢放假3日,中堅阿巴謙要返阿根廷湊細路,尼高高華一樣開綠燈,事關佢認為「家庭比一切都重要」。

2.堅食肉獸:尼高高華喜歡同球員一齊食肉,當球隊營養師建議食素,佢會咁答說:「我隊波入面有阿根廷球員,我又係克羅地亞人,克羅地亞人冇肉食係唔掂嘅。」

3.虔誠教徒:係個虔誠嘅天主教徒,上季尼高高華就曾拒絕喺復活節時受訪,理由係「嗰陣係去教堂嘅日子」。

4.轉型進攻:剛剛執教法蘭克福嗰陣,尼高高華傾向採用防守陣型,隨住比賽增多,尼高高華愈嚟愈注重進攻,仲經常更換陣式,佢咁解釋:「作為一個教練,依家要比20年前更加投入參與到場波入面。」

5.獨裁統治:尼高高華唔會容忍球員反對佢,更衣室入面係佢揸曬主意,唔順氣就送你一程,前法蘭克福中場桑尼傑圖就因為同佢頂頸離隊,目前去咗德乙恩高斯達特捱世界。

6.不拘小節:球員可以親切叫尼高高華「尼高」,又或者直接用「你」相稱。

東網體育FB同你追實體壇每個精彩時刻!
http://bit.ly/2ecTF2A 


本文來源:http://hk.on.cc/hk/bkn/cnt/sport/20180415/bkn-20180415115237182-0415_00882_001.html




Tag:
本文鏈接:http://www.dating852.com/106003.html