歐聯真係咁難攞? 史上十大苦命球王!

作者:JessicaJessee    發表日期:2017-06-02 02:04:01

歐聯雖然每年都有,但要攞冠軍真係要靠天時地利人和,唔係你係巨星,就一定有機會捧盃。雖然美斯手執4麵冠軍獎牌,但可憐有啲傳奇球星連世界盃都攞過,偏偏屋企個獎盃櫃就獨欠歐聯冠軍榮譽,都咪話唔陰公。聽晚就係歐聯決賽,將以隊長身份帶領祖雲達斯大戰皇馬嘅保方,分分鐘係最後一次作出挑戰,唔知佢可唔可以打破宿命,脫離呢個「十大」行列呢?

1.朗拿度
講起「朗拿度」,唔少球迷同球評家,都認為大哨比C朗更好波更有天份,更加值得被稱為球王,至少大哨攞過2次世界盃冠軍。但當C朗手執3麵歐聯冠軍獎牌嘅時候,大哨一次都冇攞過。無論燕豪芬、巴塞、皇馬同AC米蘭,都係赫赫有名嘅大會,配合大哨應天下無敵,但命運總係弄人。

2.尼維特
選歐聯史上十大悲情鏡頭,相信好大機會見到一名長鬈髮男子,掩麵跪喺場上嘅場麵。尼維特於03年係祖雲達斯絕對主力,佢多次精彩演出,協助斑馬兵團於歐聯見關過關,但於四強對皇馬時積夠黃牌數目,到決賽要坐波監,所以難過到即場跪地。唔少球評家都認為,祖記如果決賽有佢坐陣,可以解決當屆冠軍AC米蘭。

3.基斯普
喺歐聯決賽梅開二度,效力嗰隊上半場仲領先3球,睇嚟都9成9機會奪標、兼攞埋決賽MVP喇啩?但世事總有例外,呢個不幸嘅男人叫做基斯普。呢位阿根廷神鋒,05年決賽代表AC米蘭鬥利物浦,上半場已個人省2粒,但最後隻能眼白白睇住紅軍創造奇跡,喊得一句句。

4.雲尼斯達萊
73次出戰歐聯,射入56球,比率高過入球王C朗,3屆賽事神射手,更係未攞過冠軍入球最多嘅球員,雲佬嘅歐聯之旅認真慘情。呢名曼聯一代經典前鋒,喺紅魔1999年奪歐洲三冠王之後2年先加盟,08年曼聯第3次歐洲封王,雲佬又已走咗2年。咩叫慘情?睇雲佬就知。

5.簡拿華路
簡拿華路被公認為足球史上,其中一個最佳中堅,06年佢以隊長身份帶領意大利奪取世界盃冠軍,仲一舉攞埋金球獎,對一個後衞嚟講,真係最高榮譽。但簡拿華路就係歐聯無緣,無論係90年代尾嘅帕爾馬,抑或之後效力國米、祖雲達斯及皇馬,簡拿華路都係失望而回。

6.韋拉
呢名98年法國世界盃冠軍成員,於效力阿仙奴期間,被公認為全球其中一名最佳中場,但無論踢緊兵工廠,抑或之後披上祖雲達斯及國際米蘭戰衣,韋拉都未能達成心願。其實佢於職業生涯,兩次和歐聯錦標擦身而過,06年阿仙奴殺於決賽,韋拉就12個月前離開球隊;10年仲慘,佢於當年一月轉會窗離開國米,未能同莫連奴齊齊攞冠軍。

7.杜林
於90年代,一提起右後衞,個個都諗起攻守兼備嘅杜林。杜林於03年無限接近錦標,祖雲達斯有佢助陣,將AC米蘭成條左路攻勢完全凍結,可惜去到互射12碼階段「斑馬兵團」功敗垂成,將大耳朵盃拱手讓人。06年佢轉投剛奪歐聯冠軍嘅巴塞,但之後再無緣捧盃。

8.波歷克
被封為千年老二,波歷克堅黑到冇朋友。呢名前德國隊長,兩次見證歐聯經典時刻,首先係02年決賽,施丹左腳射入宇宙級窩利,擊敗波歷克嘅利華古遜;6年後車路士打入決賽,到互射12碼階段,波歷克雖然為車仔射入其中1球,但泰利跣腳,連個盃都跣埋畀曼聯。

9.伊巴謙莫域
伊巴攞聯賽冠軍攞到手軟,所以一向都牙擦擦,但一講到歐聯,可能佢就會即刻收聲。伊巴係冇攞過錦標、而又上陣最多嘅球員(119次),09年佢由國米轉投巴塞,10年國米就奪標;10年佢被借到AC米蘭,11年巴塞就攞冠軍。有時命運嘅嘢,係整定嘅。

10.保方
保方,絕對係歐聯嘅悲情男人。身為意大利國家隊代表次數最多(168次),以及祖雲達斯第二多嘅巨星,今年39歲嘅佢曾三次帶領祖記殺入歐聯決賽,第1次係03年,佢本人雖然於互射12碼階段救咗2個出嚟,但祖記始終都輸畀AC。15年斑馬兵團再入決賽,對手係如日方中嘅巴塞,祖記完敗1:3。就嚟40歲,保方今屆再一次打入決賽,麵對皇馬係稍被睇低嘅一隊;對比起大勇之年,保方的確不復當年勇,今次要打破宿命,睇嚟保方需打出超水準先得。

東網體育同你追實體壇每個精彩時刻!
http://bit.ly/2ecTF2A 


本文來源:http://hk.on.cc/hk/bkn/cnt/sport/20170602/bkn-20170602005531859-0602_00882_001.html




Tag:
本文鏈接:http://www.dating852.com/10033.html